É músico, investigador sonoro e profesor de batería, expresión rítmica e improvisación na Estudio Escola de Música de Santiago de Compostela. Fórmase no CEDI (Centro de Encontro para o Desenvolvemento da Improvisación, en Madrid) canalizándose no que será o seu principal foco de actuación e investigación: a improvisación.
Traballa con escultores, pintores, videoartistas, performers, etc.
Toca en bandas como S.E.M. Big Band, Maruxa e Trío, Terela Gradín Quartet, Fat, KLK, Marcos Teira Cuarteto, Marful, Pin.Cirera.Legido.Martínez etc.
É membro fundador de Parto, grupo de improvisación libre co que mantén varias frontes abertas: Huevopicoaraña (obra de percusión e voz para dúas baterías) e Trancefusión (manipulación do aquófono, sistema inductor de pingas que á súa vez activan sons).
