Estuda nos conservatorios de Santiago de Compostela e Lausanne (Suiza) onde se especializa en piano e música de cámara. Nesta última cidade asiste ás clases de grandes compositores contemporaneos como Mauricio Kagel e Gyorgy Kurtag.
No 2001 debuta como director de orquesta en Lausanne. Desde entón dirixe habitualmente en países como Suiza, República Checa ou Bulgaria, traballando xunto a mestres da talla de Pierre Boulez ou Jesús López Cobos. Actualmente é asistente do director francés Nicolas Calvin e director do TAC (Taller Atlántico Contemporaneo), un espazo de reflexión a carón da interpretación e difusión da música de hoxe e do pasado recente.
